Mijarên mîna remildank û xaçepirs jî di kovara Fêrname de cih digirin. Nivîsên bi her sê zaravayên kurdî (kirmanckî, kurmanciya jorîn û kurmanciya jêrîn) di kovarê hene. Mamoste û şagirtên kurdî dikarin ji vê kovarê sûdê wergirin, her wiha dikarin bi nivîsên xwe jî piştevaniya kovarê bikin. Ev kovar dê li gorî serdemên perwerdehiyê salê du caran were weşandin.
Em nivîsa edîtor ya vê kovarê pêşkêşî xwendevanên malpera Enstîtuya Kurdî ya Stenbolê dikin.
***
Edîtor
Ev dem û hemû demên we xweş bin
mamoste û şagirtên zimanê kurdî. Em vê kovarokê pêşkêşî we dikin. Bi hêviya ku
ji we re bibe alîkar û karê we hêsan bike. Ev xebat ji bo me jî xabeteke nû ye,
lewre dibe ku di destpêkê de hinek zehmetî bê kişandin. Lê dîsa dê tecrûbe û
asta xebatên me yên hîndekariyê berhemeke wiha li ser me ferz dike.
Enstîtuya Kurdî bi salan e, zimanê
kurdî hînî mirovan dike. Hê di salên 1990’î de li NÇM’ê Apê Feqî dest bi
hînkirina kurdî kiribû, piştre jî vê xebatê berdewam kir. Îroke her sal, nêzî
hezar kesî beşdarî atolyeyên zimên ên Enstîtuya Kurdî dibin û di astên cuda de
hînî zimanê kurdî dibin.
Her wekî me li jor jî diyar kir, berhemên
wiha ji bo pêşketina xebatên perwerdehî
û hîndekariya kurdî ferz in. Bi vê bîr û baweriyê me wekî Koma Lêkolîn û
Perwerdehiyê ya Enstîtuya Kurdî ev kovarok amade kir. Em ji niha pê ve jî li
gorî serdemên hîndekariyê bi kêmanî salê du heban ji vê kovarokê ji bo şagirt û
mamosteyên xwe amade bikin.
Ji bo ku ev xebat geş bibe,
beşdariya mamoste û şagirtên zimanê kurdî pir girîng e. Divê mamosteyên me
çavdêrî û tecrûbeyên xwe bi me re parve bikin. Bi nivîs û nirxandinên xwe
kovarokê dewlementir bikin. Her wiha divê şagirtên zimanê kurdî jî li vê
kovarokê xwedî derkevin, wê bixwînin û tê de binivîsin.
Heta hejmareke din bimînin di nav
xêr û xweşiyê de
Li ser navê Desteya Weşanê
Hevserokê Enstîtuya Kurdî ya
Stenbolê
Samî Tan
Comments
Post a Comment