Rojên 12 û 13’ê avrêlê li Amedê
Sempozyûma Zimanê Dayikê ji hêla Kurd-dera Enqereyê ve bi fînansa Yekîtiya
Ewropayê û piştevaniya SAMER’ê hate lidarxistin. Di sempozyûmê de mijara zimanê dayikê ji
gelek aliyan ve hate nirxandin. Di
sempozyûmê de çar danişîn pêk hatin, di her danişînê de çar gotar hatin
pêşkêşkirin.
Di danişîna yekem de ji
aliyê teorîk ve mijar hate nîqaşkirin.
Wate û girîngiya perwerdehiya bi zimanê dayikê, ji hêla kesên mîna Prof. Dr. Fatma Gök, Prof.
Dr. Nüket Şirman, Dr. Müge Ayan Ceyhan ve di
bin sernavên mîna perwerdehiya bi zimanê dayikê û wekhevî, zimanê dayikê û jin de
hatin pêşkêşkirin.
Di danişîna duyemîn de mijar ji
aliyê dîrokî ve hate nîqaşkirin. Di vê
danişînê de digel tecrûbeya perwerdehiyê ya li
medreseyên li Kurdistanê, tecrûbeya gelê suryanî jî hate vegotin. Di danîşîna sêyem de îcar rewşa perwerdehiyê
li her çar parçeyên Kurdistanê li ber çavan hate raxistin. Ev danişîn bi hêsankariya Ronayî Onen pêk hat. Di vê danişînê nûnerê SZK ya Kantona
Cizîrê Ciwan Dêrîkî qala rewş û tecrûbeya Rojavayê Kurdistanê kir. Dr. Alan
Cemîl Îbrahîm qala rewşa perwerdehiya kurdî ya li Başûrê Kurdistanê kir. Di vê
danişînê de li ser rewşa bakurê Kurdistanê du kesan xeber da; Samî Tan der barê
têkoşîna TZPKurdî de û Prof. Dr. Kadrî Yildirim der barê tecrûbeya Zanîngeha Artûklû û dersên vebijêrkî de xeber
da.
Danişîna dawîn li ser tecrûbeya gelên bindest ên cîhanê bû. Di vê
danişînê de nûnera gelê Samî bi stranên xwe bal kişand, her wiha tecrûbeya gelê
baskî ji hêla Paul Bilbao ve û rewş û tecrûbeya gelê galî jî ji hêla Şerîf
Derînce ve hate pêşkêşkirin. Mamoste Haydar Diljen jî piştî hinek çavdêriyên
xwe yên der barê rewşa kurdan de qala rewşa li Swedê kir.
Comments
Post a Comment